Selskapslokalet
Hovudlokalet rommar inntil 50 gjestar med dekkety, og kan organiserast med både langbord og småbord.
Gamalstove
Huset har ei «gamalstove» som kan nyttast til leikerom for barn eller for dei som ønskjer å trekkje seg tilbake frå selskapet ei periode. Rommet er innreidd med retro møblar og har ei koseleg stemning som passar for både unge og eldre.
Bodegaen
I kjellaren på Jentekolonien finst eit koseleg lokale tilpassa små, uhøgtidlege samankomstar og selskap. Lokalet er nyoppussa med benkar bord, tv, peis og bar, samt enkle toalettfasilitetar. Passar ypperleg for forsamlingar inntil 20 personar. Den vakre mosaikkkunsten på veggen er laga av den kjende kunstnaren Ansgar Leiten.
Partyteltet
I sommarmånadane vil det óg vere eit stort partytelt tilgjengeleg i tilknytning til Jentekolonien og Tusenårsparken. Her kan det husast større selskap, som t.d. bryllaup, med boltreplass og sitjeplassar til over 100 personar. Teltet er 12 x 18 meter, og leigast ut saman med huset slik at kjøkken og toalett er tilgjengeleg.
1000-års parken
1000-års parken er Jentekolonien sin hage. Her kan barn og vaksne kose seg i nydelege omgivnader med andedam, store plenar for aktivitetar og ein hage som blomar i alle fargar. Det er óg ei mobil scene som kan nyttast ved konsertar og liknande.
Foto: John Colbensen
Foto: John Colbensen
Fasade og parkering
Huset har trapper på framsida og baksida av huset, samt ei rampe på baksida. Rullestolbrukarar kjem seg fint fram til hovudetasjen der både selskapslokalet, kjøkken, gamalstova og toalett er.
Det er gode parkeringsforhold både på aust- og vestsida av huset.
Foto: John Colbensen
Foto: John Colbensen